Şandeyek ji Rêveberiya Xweser beşdarî 10’emîn Salvegera damezrandina MSD’ê bû

Desteya Serokatiyê ya Meclisa Rêveber a Rêveberiya Xweseriya Demokratîk a Herêma Bakur û Rojhilatê Sûriyeyê, îro Şemiyê beşdarî 10’emîn salvegera damezrandina Meclisa Sûriyeya Demokratîk bû.

Di şahiyê de, Fermandarê Giştî yê Hêzên Sûriya Demokratîk QSD’ê Mezlûm Ebdî, şandeyek ji Rêveberiya Xweser a Herêma Bakur û Rojhilatê Sûriyeyê, Desteya Serokatiyê ya Meclisa Sûriyeyê ya Demokratîk û endamên wê, û hejmarek ji şêniyên herêmê amade bûn. şahî li Hola Şto ya li bajarê Hesekê pêk hat.

Di şahiyê de, Fermandarê Giştî yê Hêzên Sûriya Demokratîk Mezlûm Ebdî axivî û diyar kir ku hilweşîna rejîma Baas destpêka projeya Sûriyeyeke nû ye û ew wekî encama têkoşîneke dirêj ji bo hemû Sûrîyeyiyan bi nav kir, û tekez kir ku hilweşandina rejîmê qonaxa yekem a şoreşê ye, lê armanca dawîn avakirina pergaleke demokratîk e ku li ser bingeha azadî û beşdariya hemû pêkhateyan ava bibe.

Ebdî her wiha got’ peymana 10’ê Adarê bi hikûmeta demkî re bingehek dîrokî ye ji bo Sûriyeyeke nû, ku piştgiriya navneteweyî û herêmî werdigire, û Hêzên Sûriya Demokratîk û Rêveberiya Xweser tevî dijwarî, gotinên nefretê û hewldanên têkbirina wê, pabendî wê ne. Û tekezî li ser berdewamiya diyalog û pêşketinê kir, nemaze di warê leşkerî de.

Û tekezî li ser mafê gelên Herêma Bakur û Rojhilatê Sûriyeyê kir ku herêmên xwe bi xwe birêve bibin û pêwîstiya yekkirina helwesta hundirûn ji bo misogerkirina serkeftina çareseriyê bi Şamê re kir. her wiha destnîşan kir ku mafên Kurdan û pêkhateyan li gorî peymana 10’ê Adarê di destûra nû de werin garantîkirin.

Ebdî destnîşan kir ku şerxwaz û gotinên nefretê dê bi ser nekevin, û tekez kir ku guhertinên entegrasyon û siyasî û îdarî dê qonaxek nû û bihêztir ji bo bakur û rojhilatê Sûriyeyê bi xwe re bînin, ku ji bo mayî welêt wekî modelek be. Di dawiyê de, û di dawiyê de diyar kir ku Hêzên Sûriyeya Demokratîk (QSD) dê bikevin qonaxek nû û rolek bingehîn di avakirina pêşeroja Sûriyeyê de bilîzin.

Ji aliyê xwe ve, hevseroka Meclisa Rêveber a Kantona Cizîrê, Viviyan Biho Osî, axivî û destnîşan kir ku şahî bi sînorên salvegerê namîne, lê ji wê wêdetir diçe û digihîje bedelê ku gel bi xwîna xwe da ku vê serkeftinê bi dest bixe.

Biho got ku 10’salên borî ceribandinek bûn ji bo avakirina modelek nû li herêmê ku bi wêranî û zext û şeran re pê re maye, di heman demê de tekez kir ku ew projeyek hêjayî gelê xwe hildigirin.

Biho Osî tekez kir ku projeya rêveberiya xweser ji hemû projeyên berê yên li Sûriyeyê cuda ye, ji ber ku ew li ser prensîbên pêkhate û edaleta civakî hatiye avakirin, di heman demê de rê li ber jin û ciwanan vedike ku bibin xwedî asta biryardanê. Wê her wiha destnîşan kir ku pêwîst e tiştên ku bi xwîna şehîdan hatine bidestxistin werin parastin û bingehên rêveberiya xweser bi çareseriyên rastîn ji bo pirsgirêka Sûriyeyê werin kûrkirin.

Şahî bi çalakiyên hunerî yên cûrbecûr ku reng û taymayiyên cûda yên gelê Sûriyeyê temsîl dikin bi dawî bû.