Şandeyek ji Rêveberiya Xweser tev li yekemîn Konferansa Komînan li Kantona Tebqayê bû

Şandeyek ji Rêveberiya Xweseriya Demokratîk a Herêma Bakur û Rojhilatê Sûriyê tev li yekemîn Konferansa Komînan li Kantona Tebqayê bû. Konferans bi dirûşmeya “Komîn şaneya bingehîn a avakirina civakeke exlaqî, siyasî û demokratîk e”, hate lidarxistin.

Hevserokatiya komînên herêmên cûda yên kantonê tev li konferansê bûn. Di konferansê de geşedanên siyasî li herêmê û madeyên girêdayî komînan û rola wan a rêxistinî û xizmetguzerî, hate nirxandin.

Her wiha di konferansê de hevserokên komînan jî nîqaş kirin da ku mekanîzmayên pêkanîna bendên qanûna derfetan pêşkêş bikin û nêrînên xwe li ser pêşxistina pêkanîna civakê pêşkêş bikin. Beşdaran jî tevlîbûn kir û behsa zehmetiyên ku rastî kar û xebatên komînan tên, rêbazên xurtkirina rola wan û pêşxistina koordînasyona di navbera wan û meclisên herêmî de, kirin.

Her wiha behsa girîngiya aktîfkirina bendên Peymana Civakî, pabendbûna pêkanîna qanûna derfetan a rêxistinkirina xebatên komînan hate kirin ku destekê dide xurtkirina rola wan di rêvebirina karûbarên civakî û xurtkirina pîvanên neteweya demokratîk.

Konferans bi tekezkirina li ser berdewamiya gavên piratîkî ji bo pêkanîna encamên wê di dema bê de, bidawî bû.