Sîham Qiryo: Hêza jinan di şaredariyan de pêdiviyeke neteweyî ye û amûreke navendî ye ji bo avakirina civakeke piralî û dadperwer

Îro di saetên sibê de 2`emîn Konferansa jinên şaredariyan li bajarê Hesekê, dest pê kir. konferans ji aliyê Meclisa Jinan a Yekîtiya Şaredariyên Bakur û Rojhilatê Sûriyê ve bi dirûşmeya “Xebatên civakî yên jinan avakirina şaredariyên demokratîk misoger dikin”, tê lidarxistin.
Armanc ji lidarxistina konferansê xurtkirina rola jinan di nava xebatên şaredariyan de, balikişandina li ser destkeftiyên wan û zehmetiyên ku di vî warî de di nava tecrubeya Rêveberiya Xweseriya Demokratîk de rastî wan tê.
Şandeyek ji Koordînasyona Jin a Rêveberiya Xweseriya Demokratîk a Herêma Bakur û Rojhilatê Sûriyê, 200 delege, nûnerên partiyên siyasî, Meclisa Jinên Sûriyê, Yekîtiya Jinên Suryanî, Meclisa Malbatên Şehîdan, tevgerên jinan û Meclisa Jinan a şaredariyên herêmê, tev li konferansê bûne.

Her wiha Di konferansê de, li ser navê Koordînasyona Jin a Rêveberiya Xweser a Herêma Bakur û Rojhilatê Sûriyeyê, hevseroka Meclisa Gelan a Demokratîk a Rêveberiya Xweseriya Demokratîk Birêz Sîham Qeryo axivî,
Sîham Qeryo di destpêka axaftina xwe de tekez kir ku ev konfrians ne tenê bûyerek rêveberiyê ye, lê belê qonaxek dîrokî ye ji bo têkoşîna jinan bo edalet, wekhevî û beşdariya çalak di rêvebirina karûbarên civakê de. Wê destnîşan kir ku ev konfrans bûyerek e ji bo pîrozkirina hêz, îrade û destkeftiyên jinan.
Qiryo diyar kir ku jinên li Herêma bakur û rojhilatê Sûriyeyê, bi salan berxwedan û xebatê, asta xwe ya parastina erd û nasnameyê, ji bilî rêvebirina saziyan û çêkirina polîtîkayan, îspat kirine. Û jinên di şaredariyan de wekî stûnek bingehîn di ji nû ve avakirina civakê û rêberiya modelek pêşeng a rêvebirina herêmî de bi nav kir.
Sîham Qiryo her wiha got ku şaredarî, wekî yên herî nêzîkî welatiyan e , ji bo pêkanîna demokrasiya beşdar cîhek girîng temsîl dikin û garantorê rastîn ê gihîştina dengê jinan li hemû tax, gund û bajaran in. Û destnîşan kir ku hêza jinan di van saziyan de pêdiviyek neteweyî ye û amûrek girîng e ji bo avakirina civakek dadperwer, piralî û hevgirtî.
Qiryo di berdewamiya axaftina xwede wiha got’ Koordînasyona Jin a Rêveberiya Xweser bawer e ku rêveberî bêyî hebûna jinên çalak di astên biryardanê de ne temam e. Û girîngiya beşdariya jinan di çêkirina polîtîkayên giştî û zêdekirina hebûna wan di hemî astên rêveberiya herêmî de, ji plansazkirinê bigire heya pêkanînê, ji bo misogerkirina xurtkirina prensîba hevkariya zayendî tekez kir.
Û got ‘ev rêbaz beşdarî misogerkirina temsîliyeta dadperwer û rastîn a jinan dibe, wan ji hemî cûreyên cudakarî û tundiyê siyasî diparêze, û hawîrdorek ewle peyda dike ku jinan teşwîq dike ku bi bandor di jiyana giştî de bixebitin û beşdar bibin.
Sîham Qiryo di axaftina xwe de behsa pirsgirêkên ku jin pê re derbas dibe kir, ji dorpêçkirinê bigire heya gefên ewlehiyê û hewldanên ji bo marjînalîzekirina jinan, û tekez kir ku hêz di yekîtî û baweriya ku jin ne tenê beşek ji çareseriyê ne, lê bingeha wê ne.
Diyar kir ku ev konferans bangek ji bo çalakî û ramana kolektîf temsîl dike, nerîna hevpar çêdike ku rola jinan di şaredariyan de zêde dike û modelek rêveberiyê ava dike ku nirx, çand û armancên hevpar nîşan dide.
Di dawiya axaftina xwe de, hevseroka Meclisa Gelan a Demokratîk ya Rêveberiya Xweser de spasiya her jinek li şaredariyan kir ku berpirsiyariyên xwe hilgirtine ser xwe, û got: Îro, hûn di dilê pêvajoya biryardanê û di pêşengiya guhertinê de ne. Em, di Koordînasyona Jin de, bi we serbilind in, piştgiriyê didin we û di rêya avakirin û rizgariyê de bi we re berdewam dikin.